Plantun de Prouvènço

Pèr coumpara dos planto d'encò nostre

Rosa elliptica & Hypochaeris radicata

Agufié(-di-fueioun-redounet)

Rosa elliptica

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Rosier à feuilles elliptiques, Rosier à folioles elliptiques.

Descripcioun :
Aquest agufié trachis dins li colo e en basso mountagno. Ei proche de Rosa agrestis, emé si fueio glandoulouso e si pecou de flour, qu'au contro an ges de glando. Pamens eici li fuioun soun redounet, lis estile pelous, li flour un pau roso e l'ourifice calicinau (fotò) grand (1/3 à 1/4 dóu Ø).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Colo - Basso mountagno
Estànci : Mesoumediterran à Mountagnard
Couroulougi : Éuropenco
Ref. sc. : Rosa elliptica Tausch, 1819

Engraisso-porc

Hypochaeris radicata

Asteraceae Compositae

Àutri noum : Pèu-de-grapaud, Mourre-de-móutoun, Poutarié, Erbo-de-l'esparvié, Balavar.

Noms en français : Porcelle enracinée, Porcelle à forte racine.

Descripcioun :
L'engraisso-porc fai uno rouseto de fueio espesso, pulèu pelouso, un pau verdalo e dentado. Li bratèio de la flour coumpausado an uno renguiero de péu blanc (fotò). Se destrìo de Hypochaeris glabra qu'èi bèn pu gros emai sa racino, e subretout qu'a tóuti sis akène emé un long benc ; Hypochaeris glabra n'a ges pèr aquéli dóu deforo. Coumpara emé l'engraisso-porc-di-sablo.

Usanço :
L'engraisso-porc es acampa coume ensalado champanello. Es uno ensalado douço e pas amaro.

Port : Grando erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hypochaeris
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Si
Autour basso e auto : Pancaro entresigna
Aparado : Noun
Remarco : Ensalado champanello

Liò : Prado umido - Mar - Terraire safrous - Colo
Estànci : Termoumediterran à Mountagnard
Couroulougi : Pancaro entresigna
Ref. sc. : Hypochaeris radicata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Rosa elliptica & Hypochaeris radicata

ges

Coumpara Agufié(-di-fueioun-redounet) emé uno autro planto

Coumpara Engraisso-porc emé uno autro planto